- 705 -

1446. Okt. 2.

Vnsern frundlichen grus zuuor. Erbern vnd weizen lieben frunde. Wir dancken euch sulchir muhe, die ir mit ewern herren herczoge Wenczlowen gehabt habet vnd wellen das wiedir vordienen vnd wir schreiben ewerm herren sulch gutlich stehen zu vnd wellen auch zu dem gelegten tage gerne komen vnd vnser frunde vsgeben vnd sal an vns nicht gebrechin vnd bitten euch, das ir vor vns vnd die vnsern wellit globen, wenne wir ane arg das gutlichstehen halden wellen vnd euch schadlos halden vnd die czeit douon brengen vnd wellit doran sein, das der genante herre herczog Wenczlow sulch gutlich stehen herczoge Wlodken zuschreibe vnd vns auch dorynne also vorsorge das wir vnd die vnsern die obgenante czeit bewaret werdin, das wellin wir umme euch vordienen vnd bitten des ewir vorschrieben antwort vff vnser gelt. Gebin am sontage vor Francisci anno etc. XLVI.
Ratmanne der stat Breslaw.

Mit bekannter Rückaufschrift an den liegnitzer Rath.

Orig. Kgl BibL z. Berl. Ms. Boruss, f. 568. No. 22.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866